"Barselona" himoyachisi Jerar Pike Kataloniya mustaqilligi uchun harakat haqida gapirdi.
«Menimcha, Kataloniya mustaqilligini qo‘llab-quvvatlash va shu bilan birga Ispaniya terma jamoasida o‘ynash mumkin. Shunday futbolchilar borki, Ispaniya terma jamoasida o‘ynaydi, lekin o‘zini ispanlardek his qilmaydi.
Men Kataloniya mustaqilligini qo‘llab-quvvatlaymanmi yoki yo‘qmi, sizga aytmoqchi emasman. Ovoz berish (Kataloniya mustaqilligi bo‘yicha 2017 yilgi referendumda) yashirin edi, har kim shaxsiy hayotini yashirish huquqiga ega, bu mansabga salbiy ta’sir ko‘rsatmasligi kerak.
Odamlar o‘zlarini ispanlar ekanliklarini his qilmagan holatlar ko‘p bo‘lgan. O‘zini mamlakatga tegishli ekanligini his qilish nimani anglatadi? Qandaydir raqobat bormi? Agar siz ko‘proq ispan bo‘lsangiz, g‘alaba qozondingizmi?
Men buni har doim o‘z ishimning bir qismi sifatida qabul qilganman. Muxlis kimni afzal ko‘radi: terma jamoada yaxshi o‘ynab vatanni sevmagannimi yoki vatanni sevib, yomon o‘ynaganmi?" - dedi Pike The Wild Project bilan suhbatda.
