Мадриднинг "Реал" клубининг собиқ президенти Рамон Кальдероннинг айтишича, клубининг ҳозирги президенти ва бош мураббийи, "Реал" сардори Икер Касильясни унчалик ёқтиришмас экан.
Собиқ президент испан матбуотига берган интервьюсида бунинг сабабларини ошкор қилди.
"Перес ҳам Моуриньо ҳам Касильясни ёқтиришмайди. Икер жамоа сардори ва футболчилар ва мухлислар билан доим мулоқотда бўлишни истайди. Бунга унинг ҳаққи бор. Моуриньо эса Икерни матбуотдан ва мухлислардан узоқлаштирди.
"Негадир Перес ҳам уни ёқтирмайди. Чунки у жамоа футболчиларига эмас, Моуриньонинг гапларига қулоқ тутади.
"Бу адолатсизлик. Икернинг жамоа олдидаги ҳизматлари беқиёс. У ҳақиқий етакчи ва сардор. Аммо у сўнгги вақтда икки ўртада қолиб кетди. Мадридда мухлислар уни жуда яхши кўришади", дейди Кальдерон AS нашрига берган интервьюсида.
