«Реал» клуби Испания чемпионатининг 30-тури доирасида сафарда «Сельта» меҳмони бўлиб, қийин ғалабага эришди.

Ҳакам ўйин давомида Анчелотти шогирдлари фойдасига 3та пенальти белгилади. Ҳар учала 11 метрли жарима зарбаси Бензема тепди. Уларнинг 2таси голга айланган бўлса, битта зарбани мезбонлар посбони қайтарди.

Карим пенальтининг дастлабкиси 19-дақиқада голга айлантирди. Бунгача эса мезбонлар голга тортадиган 2та вазиятдан фойдалана олмаганди. Куртуа 23-дақиқада яна бир фантастик сэйв орқали жамоасини голдан қутқарди. Шунга қарамай, Нолито эса учрашувнинг 52-дақиқада чиройли ташкил этилган комбинацияни мантиқий якунлаб, ҳисобни тенглаштирганди.

Кейинги дақиқаларда эса мезбонлар яна 2та пенальти ишлашди. Дастлаб Бенземанинг зарбасини дарвозабон бартараф этган бўлса, 70-дақиқада франциялик футболчи яна бир марта пенальтини ижро этишга жазм этди ва бундан самарали фойдаланди.

"Сельта" сўнгги дақиқаларда "Реал" дарвозаси томон штурм уюштирди, мадридликлар эса кўпчилик бўлиб ҳимояланиб, ғалабани ушлаб қолишди. "Мадрид" ушбу ғалаба туфайли ўз очколарини 69тага етказди.

Испания чемпионати, 30-тур
Сельта – Реал Мадрид 1:2 (0:1, 1:1)
Голлар: 0:1 – 19, пенальти Бензема, 1:1 – 52 Нолито, 1:2 – 69, пенальти Бензема.
Ноаниқ пенальти: Бензема (64, дарвозабон)
Сельта – Дитуро, Васкес, Мурильо, Айду, Галан, Денис Суарес, Мендес (Пинеда, 81), Бельтран (Тапия, 72), Нолито (Санти Мина, 72), Аспас, Гальярдо (Серви, 60).
Реал Мадрид – Куртуа, Алаба, Милитао (Начо, 85), Менди, Модрич (Вальверде, 74), Кроос (Себальос, 85), Каземиро, Васкес (Карвахаль, 61), Бензема, Асенсио (Родриго, 61), Винисиус Жуниор.
Огоҳлантиришлар: Галан (36), Гальярдо (40), Мурильо (57).