«Real» klubi Ispaniya chempionatining 30-turi doirasida safarda «Selta» mehmoni bo‘lib, qiyin g‘alabaga erishdi.

Hakam o‘yin davomida Anchelotti shogirdlari foydasiga 3ta penalti belgiladi. Har uchala 11 metrli jarima zarbasi Benzema tepdi. Ularning 2tasi golga aylangan bo‘lsa, bitta zarbani mezbonlar posboni qaytardi.

Karim penaltining dastlabkisi 19-daqiqada golga aylantirdi. Bungacha esa mezbonlar golga tortadigan 2ta vaziyatdan foydalana olmagandi. Kurtua 23-daqiqada yana bir fantastik seyv orqali jamoasini goldan qutqardi. Shunga qaramay, Nolito esa uchrashuvning 52-daqiqada chiroyli tashkil etilgan kombinasiyani mantiqiy yakunlab, hisobni tenglashtirgandi.

Keyingi daqiqalarda esa mezbonlar yana 2ta penalti ishlashdi. Dastlab Benzemaning zarbasini darvozabon bartaraf etgan bo‘lsa, 70-daqiqada fransiyalik futbolchi yana bir marta penaltini ijro etishga jazm etdi va bundan samarali foydalandi.

"Selta" so‘nggi daqiqalarda "Real" darvozasi tomon shturm uyushtirdi, madridliklar esa ko‘pchilik bo‘lib himoyalanib, g‘alabani ushlab qolishdi. "Madrid" ushbu g‘alaba tufayli o‘z ochkolarini 69taga yetkazdi.

Ispaniya chempionati, 30-tur
Selta – Real Madrid 1:2 (0:1, 1:1)
Gollar: 0:1 – 19, penalti Benzema, 1:1 – 52 Nolito, 1:2 – 69, penalti Benzema.
Noaniq penalti: Benzema (64, darvozabon)
Selta – Dituro, Vaskes, Murilyo, Aydu, Galan, Denis Suares, Mendes (Pineda, 81), Beltran (Tapiya, 72), Nolito (Santi Mina, 72), Aspas, Galyardo (Servi, 60).
Real Madrid – Kurtua, Alaba, Militao (Nacho, 85), Mendi, Modrich (Valverde, 74), Kroos (Sebalyos, 85), Kazemiro, Vaskes (Karvaxal, 61), Benzema, Asensio (Rodrigo, 61), Vinisius Junior.
Ogohlantirishlar: Galan (36), Galyardo (40), Murilyo (57).