Англия матбуоти тарқатган маълумотларга қараганда, агар бирор клуби 45 миллион фунт стерлинг таклиф қилса, Англиянинг «Лестер» клуби ўз ярим ҳимоячиси Мэддисонни қўйиб юборади.

«Тулкилар»нинг ҳужумкор ярим ҳимоячиси ўтган ёзда Лондоннинг «Арсенал» жамоасига ўтиши мумкин эди, аммо келишув амалга ошмади.

Манбанинг ёзишига кўра, «Лестер» 25 ёшли ярим ҳимоячини 45 миллион фунтга баҳоламоқда. Айнан шу сумма клубнинг футболчи билан хайрлашишига етарли бўлади.

Мэддисоннинг «Лестер» билан шартномаси 2024 йилнинг ёзига қадар амал қилади. Жорий мавсумда 41 та ўйинда англиялик футболчи 13 та гол ва 8 та голли узатмани амалга оширган.