Хави ушбу мавсумда Ла Лига чемпионлиги учун «Реал» билан рақобатлашиш ниятида.

“Жуда хурсандман. Биз ўз ишимизга, саъй-ҳаракатларимизга, фидойилик ва жамоавий ишимизга ишонамиз. Биз жуда яхши ишлаяпмиз. Биз ишлаймиз ва олдинга интиламиз. Бу натижа беради.

Биз тўғри йўлдамиз, эҳтимол бу мавсумдаги энг яхши қисмимиздир. Бугун йирикроқ ҳисобда ғалаба қозонишимиз мумкин эди. Бугун «Севилья» дарвозабони Буну ажойиб ўйин ўтказди. Бу олти очколик ўйин эди ва биз иккинчи ўринга кўтарилиб олдик.

Мен ғалаба қозонишни яхши кўраман. Менимча, бугун жамоамиз бунга муносиб эди. Биз ғалаба қозондик ва бундан хурсандмиз, биз Ла Лигада курашни давом эттирамиз.

Ҳар бир учрашувда ғалаба қозонишга ҳаракат қиламиз. «Реал»дан тез-тез хато қилишини кутиш қийин, аммо биз охиригача курашамиз”, - деди «Барселона» бош мураббийи.