«Барселона» бош мураббийи Хави Эрнандес «Севилья»га қарши Ла Лиганинг муҳим ўйинида ғалаба голини урган Педри ҳақида фикр билдирди.

Педрининг 72-дақиқада киритган голи учрашувда ягона бўлди.

«Педри ажойиб футболчи. У ақл бовар қилмайдиган гол урди. Унинг ўйинини томоша қилиш катта завқ бағишлайди. У эндигина 19 ёшда. Мен ундан тез-тез дарвоза томон зарба беришини сўрайман, лекин у табиий пас берувчи. Бугун у зарба берди ва ажойиб гол урди. У аллақачон Пике, Альба, Алвеш ва Тер Штеген билан бирга бизнинг етакчимиз», - деди Хави ўйиндан кейинги интервьюсида.