"Барселона" ёзда иккита футболчисини сотади. Хабарларга кўра, клуб Коутиньо ҳамда Гризманндан янги мавсумда фойдаланмоқчи эмас.
Ҳар икки футболчининг борар жойи аниқ бўлиб улгурган. Коутиньо АПЛнинг исталган клубига ўтиши мумкин. Гризманн эса "Атлетико"га бутунлай қайтади.
Мадридликлар ўз футболчиси учун ёзда 40 миллион евро тўлайди. Коутиньо ҳам шу қиймат атрофида баҳоланмоқда. Икки футболчи сотувидан жами 80 миллион евро фойда қилиш режа қилинган.