"Лацио" бош мураббийи Маурицио Сарри Рим клуби билан шартномани узайтириш масаласини муҳокама қилмоқда. Журналист Николо Скиранинг хабарига кўра, у жамоа билан 2025 йилгача мўлжалланган янги шартнома тузиши мумкин.
"Лацио" хўжайини ва президенти Клаудио Лотито аллақачон 63 ёшли мутахассиснинг агентига ўз таклифини юборган.
Маълумот учун, Саррининг “Лацио” билан амалдаги шартномаси 2023 йилнинг июнигача амал қилади.
Италия чемпионатининг 2021/22 йилги мавсумида Рим клуби 31-турдан кейин 52 очко жамғариб, олтинчи ўринда бормоқда.
