«Ньюкасл Юнайтед» Туркиянинг «Ени Малатьяспора» клубидан Дидье Ндонгни ўз сафига қўшиб олди, деб хабар беради L'Union. Эслатиб ўтамиз, аввалроқ футболчи ўз позициясида энг истиқболли ўйинчилардан бири ҳисобланар эди, бироқ тартиб-интизомдаги муаммолар туфайли у Туркияга йўл олди.

Ҳозирда Ндонгни ҳуқуқлари Франциянинг «Дижон» клубига тегишли бўлиб, у турк жамоасида ижара асосида ўйнамоқда. Тўғри, ҳозир клубда молиявий муаммолар бор ва Дидье деярли ярим йилдан бери маош олмаяпти.

30 турдан кейин «Ньюкасл» ҳисобида 31 очко бор ва жамоа Премьер-лига турнир жадвалида ўн бешинчи ўринда бормоқда.