Мадриднинг «Реал» клуби ҳимоячи Марсело билан шартномани узайтирмоқчи эмас. Футболчи клубда қолиш учун маошини сезиларли даражада камайтиришга тайёр эди, аммо Мадрид клуби 33 ёшли бразилияликни сақлаб қолиш ниятида эмас, дея хабар беради Defensa Central.

Мадриднинг «Реал» клуби футболчи билан шартномани узайтиришни режалаштирмаяпти, бироқ клубда қандайдир лавозимга ўтишини истисно этмаяпти.

Жорий мавсумда бразилиялик футболчи барча мусобақаларда 14 та ўйин ўтказиб, битта голли узатмани амалга оширди.

Ҳимоячининг «Реал» билан шартномаси мавсум охирида якунига етади. Трансфермаркт Марселонинг бозор нархини 3 миллион еврога баҳолаган.