Пеп Гвардиола «Атлетико»нинг ўйин услубини танқид қилишни хоҳламади.

«Мен бу аҳмоқона баҳсга бир сония ҳам сарфламайман. Бу ерда ҳамма ғалаба қозонишга ҳаракат қилмоқда.

Агар улар ғалаба қозонишса, демак улар кучли жамоа. Агар биз ғалаба қозонсак, демак биз кучлимиз. Ўйинчилар даражаси фарқ қилиши мумкин.

Биз ҳам шундай ўйнашимиз ва натижани ҳимоя қилишимиз керак. Бу футболнинг бир қисми. Мен уларнинг услубига баҳо бермайман, лекин Мадриддаги ўйин олдидан қандай қилиб яхши натижага эришиш мумкинлигини тушуниш учун таҳлил қиламан.

Хунук ўйин нимани англатади? Менинг жамоам «Олд Траффорд»да 1:0 ҳисобида ғалаба қозонди ва Бернарду Силва бурчак тўпини амалга ошириш учун беш дақиқа вақт сарфлади. Бу хунук эмас, ҳисобни ушлаб туриш дегани.

Мен ҳеч қачон рақиблар ва уларнинг қилаётган ишларини баҳоламайман», — дейди «Манчестер Сити» бош мураббийи.

Эслатиб ўтамиз, «Манчестер Сити» эртага, 5 апрель куни ўз майдонида «Атлетико»га қарши баҳс олиб боради. Учрашув Тошкент вақти билан 00:00да бошланади.