Pep Gvardiola «Atletiko»ning o‘yin uslubini tanqid qilishni xohlamadi.
«Men bu ahmoqona bahsga bir soniya ham sarflamayman. Bu yerda hamma g‘alaba qozonishga harakat qilmoqda.
Agar ular g‘alaba qozonishsa, demak ular kuchli jamoa. Agar biz g‘alaba qozonsak, demak biz kuchlimiz. O‘yinchilar darajasi farq qilishi mumkin.
Biz ham shunday o‘ynashimiz va natijani himoya qilishimiz kerak. Bu futbolning bir qismi. Men ularning uslubiga baho bermayman, lekin Madriddagi o‘yin oldidan qanday qilib yaxshi natijaga erishish mumkinligini tushunish uchun tahlil qilaman.
Xunuk o‘yin nimani anglatadi? Mening jamoam «Old Trafford»da 1:0 hisobida g‘alaba qozondi va Bernardu Silva burchak to‘pini amalga oshirish uchun besh daqiqa vaqt sarfladi. Bu xunuk emas, hisobni ushlab turish degani.
Men hech qachon raqiblar va ularning qilayotgan ishlarini baholamayman», — deydi «Manchester Siti» bosh murabbiyi.
Eslatib o‘tamiz, «Manchester Siti» ertaga, 5 aprel kuni o‘z maydonida «Atletiko»ga qarshi bahs olib boradi. Uchrashuv Toshkent vaqti bilan 00:00da boshlanadi.
