Сўнгги йилларда келишилган ўйинларга қарши кураш ҳамда уларнинг олдини олиш борасида ЎФА ҳамда ЎзПФЛ томонидан жиддий ишлар амалга оширилмоқда.
Жумладан, ЎзПФЛ келишилган ўйинларга қарши кураш бўйича Ўзбекистон футболчилари уюшмаси билан яқиндан ҳамкорлик олиб бормоқда. ЎФА қошида юқоридаги каби ҳолатларни аниқлаш мақсадида алоҳида махсус инспекция ташкил қилинган бўлиб, мазкур инспекция бу борада қатор далиллар тўплаб бормоқда.
ЎФА ҳузуридаги футбол фаолиятини назорат қилиш бўйича махсус инспекция тотализатор ҳамда келишилган ўйинларга қарши кураш тўғрисида футбол клубларига тушунтириш ишлари ҳам олиб бормоқда.
Бугун Ўзбекистон кубогида иштирок этадиган Про лига ва Биринчи лига жамоалари вакиллари учун видеосеминар ўтказилди. Унда ҳалол ўйин тамойилларига риоя қилиш, келишилган ўйинларда қатнашиш оқибатлари ҳақида батафсил маълумот берилди.
