«Милан» ҳужумчиси Оливе Жиру «Болонья»га қарши кечган (0:0) ўйин ҳақида фикр билдирди.

«Менимча, жамоа яхши ўйнади, аммо биз аниқ зарба бера олмадик. Биз қўлимиздан келганини қилдик, аммо майдоннинг охирги учдан бирида аниқлик ва бироз сифат етишмади. Биз ўйинда устунлик қилдик», - деди Жиру.

У Златан Ибраҳимович билан бўлган воқеа ҳақида ҳам гапирди.

«Бу пенальтими, билмайман. Бугун бизга на омад, на аниқлик келди. Ибра билан контакт пенальтига ўхшарди, лекин мен ҳакамни айбламоқчи эмасман, бугун биз бироз хафа бўлдик», - деди "Милан" ҳужумчиси.