Ўзбекистон кубоги гуруҳ босқичининг 1-туридан ўрин олган баҳсда "Навбаҳор" сафарда “Қизилқум” (Навоий) клуби меҳмони бўлади.
Мазкур жамоаларнинг Суперлига (олий лига)даги ўзаро ўйинлари статистикасига назар ташлайдиган бўлсак, ушбу клублар 44 марта ўзаро рўбарў бўлган. Ушбу баҳсларда “Навбаҳор” 17 марта, “Қизилқум” эса 14 марта ғалаба қозонган, 13 та учрашувда эса дуранг қайд этилган.
Тўплар нисбати бўйича устунлик наманганликлар томонида - 56–46.
Ўзаро ўйинларда “Навбаҳор” 64, “Қизилқум” эса 55 очкони қўлга киритган.
Наманганликларнинг навоийликлар устидан қозонган энг йирик ҳисобдаги ғалабаси – 4:0 бўлса, “Қизилқум”нинг бу борадаги натижаси 3:0 га тенг.
Ўзбекистон кубоги баҳсларида эса ушбу жамоалар 2003 йилги мавсумда 1/8 финалдан ўрин олган ўйинда ўзаро рўбарў келган. Навоийдаги учрашувда мезбонлар 1:0 ҳисобида ғалаба қозонишган бўлса, Намангандаги жавоб баҳсида “Навбаҳор” 4:2 ҳисобида зафар қучиб, кейинги босқичга йўл олганди.
Эслатиб ўтамиз, “Қизилқум” – “Навбаҳор” жамоалари ўртасидаги учрашув 6 апрель куни Олмалиқдаги ОКМК спорт мажмуасида соат 18:00 да старт олади.
