Мана, «Локомотив» Олий Лига баҳсларида 6 учрашув ўтказди. Сизларга қизиқ статистикани эътиборингизга ҳавола этамиз.

«Локомотив» мавсум бошида, аниқроғи 12 март куни ўтказган мавсумолди матбуот анжуманида бу йил клуб 3 ҳил рангли либосларда майдонга тушиши ҳақида барча йиғилганларга ахборот берган эди. “Темирйўлчилар” оқ, қора ва қизил рангли либосларда бу йил Олий лига ва Ўзбекистон кубоги бахсларида учун танлаб олинган эди. Энди шу либосларнинг қайси бири “Локомотив” учун қандай натижаларни олиб келганини келтириб ўтсак.

Қизил либос билан якунланган учрашувлар натижаси:
«Шўртан»-«Локомотив» 2-1
«Локомотив»-«Насаф» 0-1

Оқ либос билан якунланган учрашувлар натижаси:
«Навбахор»- «Локомотив» 0-2

Қора либос билан якунланган учрашувлар натижаси:
«Локомотив»-«Нефтчи»1-1
«Бунёдкор»-«Локомотив» 1-1
«Локомотив»-«Пахтакор» 1-1

Ҳулоса қилиб айтадиган бўлсак, “темирйўлчилар” қизил рангли либосларда мағлубиятга учрашган, оқ рангли либосларда ғалаба қозонишган, қора рангли либосларда эса дурангни қайд этишган.

«Локомотив» икки учрашувда олдинда бораётиб ғалабани қўлдан чиқарди.

«Локомотив» ўз уйида ўтказган икки учрашувда ҳам фақат пенальтидан гол ўтказиб юборди

«Локомотив» ўз тарихида биринчи марта “Нефтчи” билан дуранг натижа қайд этди

«Локомотив» “ЖАР” стадионида «Бунёдкор» билан ўйинда биринчи марта очко қўлга киритди.

Бу мавсум мана 5 турки «Пахтакор» ўз дарвозасидан тўп ўтказмай келаётган эди. Фақатгина «Локомотив» ҳозирча Деян Журжевич шогирдлари дарвозасини нишонга олди.

2012 йил футбол мавсумида «Локомотив» кетма кет Тошкент дербисида иштирок этди.

«Локомотив» 6 та учрашувда майдонга тушди. 6 очко жамғарди, 6 та гол уриб 6 та гол ўтказиб юборди. 6 рақамли футболчи Дилшод Рахматуллаев шу 6 голдан иккитасига муаллифлик қилди.