Роналд Араухо «Барселона» билан янги шартнома борасида келишиб олди.
Mundo Deportivo нашрининг хабарига кўра, келишув 2026 йилгача мўлжалланган. Янги шартнома кўра, футболчининг товон пули 1 миллиард евро этиб белгиланади.
Аввалига Каталония клуби шартномани 2028 йилгача узайтирмоқчи эди, бироқ келажакда футболчи юқори маош борасида музокаралар олиб бориш имкониятига эга бўлиши учун шартнома муддати бўйича имтиёзлар берилган. "Барселона" ўша пайтгача молиявий томондан яхши ҳолатга тушиб қолишига ишонади.
Goal.com нашрининг ёзишича, Араухо «Барселона»да аввалгидан деярли уч баробар кўп маош олади. Яқин кунларда барча ҳужжатлар имзоланади.
Қайд этилишича, уругвайлик футболчи янги шартнома бўйича унга «Барселона»дан икки баравар кўп маош беришга тайёр бўлган инглиз клубларининг таклифларини рад этган.
