"Челси" барча мусобақаларда ўз майдонида ўтказган сўнгги 2 учрашувда 7 та гол ўтказиб юборди.

2 апрель куни Томас Тухель шогирдлари АПЛ доирасида “Брентфорд”га мағлуб бўлди (1:4), айни вақтда бўлиб ўтаётган Чемпионлар лигаси чорак финал учрашувида “Реал” ҳам "аристократлар" дарвозасига 3 та гол (1:3, иккинчи бўлим) киритди.

“Кўклар” 2018 йилнинг январ-февраль ойларида АПЛ доирасида “Борнмут” (0:3) ва “Уотфорд” (1:4) клублари билан тўқнаш келганидан буён ўз дарвозасидан икки ўйинда 7 та гол ўтказиб юборишмаган эди.

Маълумот ўрнида, "Челси" кейинги ўйинни сафарда "Саутгемптон"га қарши ўтказади. Баҳс 9 апрелга белгиланган.