«Вильярреал» ярим ҳимоячиси Дани Парехо ЕЧЛ 1/4 финалининг «Бавария» билан биринчи учрашувида (1:0) қўлга киритилган ғалаба ҳақида фикр билдирди.

“Бу ақл бовар қилмайдиган ўйин бўлди. Биз яхши ҳужум қилдик ва «Бавария» камдан-кам ҳолларда майдоннинг нариги томонида голли вазиятлар яратди. Биз дунёнинг энг яхши жамоаларидан бирини мағлуб этдик.

Аслида бугун биз «Бавария»дан анча устун эдик. Жамоа жуда яхши тайёргарлик кўрди. Биз ҳаммасини яхши тушундик.

Биз шижоатли эдик, ғалаба қозониш учун ўйнадик. Менимча, бу «Бавария»нинг Европадаги илк мағлубияти”, — деди Парехо УЕФА расмий сайтига.