Россиянинг Матч ТВ телеканали энди Англия кубоги ўйинларини трансляция қила олмаслигини расман маълум қилди. Бу ҳақда телеканал бош продюсери Александр Ташин ўзининг Телеграмдаги каналида маълум қилди.

"Матч ТВ трансляцияси учун сигнал бериш орқали муаллифлик ҳуқуқи эгалари Буюк Британиянинг санкциялар тўғрисидаги қонунларини бузадилар", деди бош продюсер баёнотида.

Эслатиб ўтамиз, тез орада Англия кубогининг ярим финали бўлиб ўтади. Биринчи жуфтлик "Челси" ва "Кристал Пэлас" ўртасида иккинчи ўйинда чемпионат пешқадамлари “Манчестер Сити” ва “Ливерпуль” ўйнайди.