Rossiyaning Match TV telekanali endi Angliya kubogi o‘yinlarini translyasiya qila olmasligini rasman ma’lum qildi. Bu haqda telekanal bosh prodyuseri Aleksandr Tashin o‘zining Telegramdagi kanalida ma’lum qildi.
"Match TV translyasiyasi uchun signal berish orqali mualliflik huquqi egalari Buyuk Britaniyaning sanksiyalar to‘g‘risidagi qonunlarini buzadilar", dedi bosh prodyuser bayonotida.
Eslatib o‘tamiz, tez orada Angliya kubogining yarim finali bo‘lib o‘tadi. Birinchi juftlik "Chelsi" va "Kristal Pelas" o‘rtasida ikkinchi o‘yinda chempionat peshqadamlari “Manchester Siti” va “Liverpul” o‘ynaydi.
