"Аякс" ҳимоячиси Нуссаир Мазрауи "Бавария"га ўтишга яқин турибди, дея хабар беради журналист Николо Скира.
Манбага кўра, Мюнхен клуби 24 ёшли марокашлик футболчининг агенти билан футболчини эркин агент сифатида трансфер қилиш борасида келишиб олган. Шартнома 2026 йилгача мўлжалланган ва яна бир мавсумга узайтирилиши мумкин бўлади. Унга кўра, футболчининг маоши йилига 4 миллион еврони ташкил қилади.
Жорий мавсумда Мазрауи 32 та ўйинда майдонга тушиб, 5 та гол урди ва 4 та голли узатмани амалга оширди. Transfermarkt портали футболчининг нархини 20 миллион еврога баҳоламоқда.
