Туриннинг «Ювентус» клуби раҳбарияти ёзда «Бавария» ҳужумчиси Серж Гнабри билан музокара ўтказмоқчи.

Goal.com хабарига кўра, «кекса синьора» ўз сафига «Бавария» билан янги шартнома борасида ҳали келиша олмаган 26 ёшли германиялик футболчини қўшиб олишни хоҳлайди. Эслатиб ўтамиз, Серж хизматларига «Реал» ҳам қизиқиш билдирмоқда. Трансфермаркт портали Гнабрининг нархини 70 миллион еврога баҳоламоқда.

Жорий мавсумда Серж Гнабри Германия чемпионатида 28 та ўйин ўтказиб, 11 та гол ва 5 та голли узатмага муаллифлик қилган.