«Манчестер Юнайтед»нинг франциялик собиқ футболчиси Луи Саа «қизил иблислар»нинг португалиялик ҳужумчиси Криштиану Роналдуга нисбатан билдирилган танқидларига қўшилмайди.
Саа Роналдуни Манчестер клубини тарк этишга чақирган Рунининг гапларидан ҳайратда қолганини айтди. Франциялик футболчи Криштиану атрофида яхши жамоа қуриш мумкинлигини, унинг ёнида ёш футболчилар ўсиши мумкинлигини таъкидлади. Луи қўшимча қилдики, агар ёшлар ривожлана олмаса ва ўсмаса, бу Роналдунинг ёмонлиги учун эмас.
Эслатиб ўтамиз, жорий мавсумда Криштиану Роналду Англия Премьер лигасида 24 та ўйин ўтказиб, 12 та гол урган.
