«Ливерпуль» ва Англия терма жамоаси ярим ҳимоячиси Жордан Хендерсон Англия чемпионатининг 32-тури доирасидаги «Манчестер Сити»га қарши ўйиндан олдинги фикрлари билан ўртоқлашди.

«Манчестер Сити» - жаҳон даражасидаги футболчилар ва ажойиб мураббийга эга ажойиб жамоа. Олдинда бизни жуда муҳим ва қийин ўйин кутиб турибди. Лекин мен ўз жамоамга тўлиқ ишонаман. Биз майдонга тушиб, яхши ўйин кўрсатишимиз мумкин. Биз боримизни берамиз, аммо бу ўйин билан мавсум тугамайди. Олдинда яна кўп ўйинлар бор. Лекин ҳозир бор эътиборимиз шу қарама-қаршиликка қаратилган. Келинг, нима бўлишини кўрамиз», - дея Хендерсоннинг сўзларини келтиради «Ливерпуль» матбуот хизмати.

Англия Премер-лигасининг 32-туридан ўрин олган «Манчестер Сити» - «Ливерпуль» учрашуви эртага, 10 апрель куни Манчестер шаҳридаги «Этиҳад (Манчестер Сити)» стадионида бўлиб ўтади. Ўйин Тошкент вақти билан 20:30да бошланади.