«Liverpul» va Angliya terma jamoasi yarim himoyachisi Jordan Xenderson Angliya chempionatining 32-turi doirasidagi «Manchester Siti»ga qarshi o‘yindan oldingi fikrlari bilan o‘rtoqlashdi.
«Manchester Siti» - jahon darajasidagi futbolchilar va ajoyib murabbiyga ega ajoyib jamoa. Oldinda bizni juda muhim va qiyin o‘yin kutib turibdi. Lekin men o‘z jamoamga to‘liq ishonaman. Biz maydonga tushib, yaxshi o‘yin ko‘rsatishimiz mumkin. Biz borimizni beramiz, ammo bu o‘yin bilan mavsum tugamaydi. Oldinda yana ko‘p o‘yinlar bor. Lekin hozir bor e’tiborimiz shu qarama-qarshilikka qaratilgan. Keling, nima bo‘lishini ko‘ramiz», - deya Xendersonning so‘zlarini keltiradi «Liverpul» matbuot xizmati.
Angliya Premer-ligasining 32-turidan o‘rin olgan «Manchester Siti» - «Liverpul» uchrashuvi ertaga, 10 aprel kuni Manchester shahridagi «Etihad (Manchester Siti)» stadionida bo‘lib o‘tadi. O‘yin Toshkent vaqti bilan 20:30da boshlanadi.
