Туриннинг "Ювентус" клуби ҳужумчи Алваро Моратани сотиб олиши мумкин. Эслатиб ўтамиз, ҳужумчи 2020 йилнинг ёзидан буён "кекса синьора"да "Атлетико Мадрид"дан ижара асосида ўйнамоқда.
ИталиянингTuttomercato манбасига кўра, "Ювентус" раҳбарияти яқин кунларда "Атлетико"даги ҳамкасблари билан йиғилиш ўтказади, унинг давомида футболчини сотиб олиш миқдорини 35 миллион евродан мақбулроқ кўрсаткичларгача камайтиради.
Моратанинг Туринда қолишига шахсан "бянконери" бош мураббийи Массимилиано Аллегри қизиқмоқда. Аввалроқ, Мората 2014 йилдан 2016 йилгача "Ювентус"да ҳам ўйнаган ва жамоа билан Чемпионлар лигаси финалига қадар етиб борганди.
