"Тоттенхэм" клубида ижара асосида тўп сураётган "Ювентус" ярим ҳимоячиси Деян Кулушевски учун "шпорлар" тўлаши мумкин бўлган суммани маълум қилди. Бу ҳақда инсайдер Фабрицио Романо хабар берди.
Манбага кўра, "Тоттенхэм" мавсум якунида Кулушевскининг трансферини тўлиқ расмийлаштириш учун 35 миллион евродан кечишга тайёр.
Эслатиб ўтамиз, 21 ёшли Кулушевски қишки трансфер ойнасида бир ярим йиллик ижара асосида лондонликлар сафига ўтди. Швециялик футболчи инглиз клубида 11 та ўйинда майдонга тушиб, 2 та гол урди ва 4 та голли узатмани амалга оширди.
