«Ливерпуль» бош мураббийи Юрген Клопп АПЛнинг 32-туридан ўрин олган «Манчестер Сити»га қарши баҳсини бокс жангги билан таққослади.
“Ушбу учрашув икки боксчи ўртасидаги жангга ўхшади. Кимдир қўлларини бир сония пастга тушириши билан зарбаларни ўтказиб юборди. Менга жамоамнинг ҳаракатлари жуда ёқди. Лекин, уч очкони қўлга кирита олмаганимиз ачинарли.
Жуда ажойиб ва ёрқин ўйин. «Манчестер Сити» учрашувни яхшироқ бошлади, аммо кейин биз ташаббусни ўз қўлимизга олдик. Қайд этилган натижа адолатли деб ўйлайман. Энди биз давом этишимиз керак. Бутун кураш ҳали олдинда», - деди Клопп The Athletic биан суҳбатда.
«Манчестер Сити» 74 очко билан 1-ўринда бормоқда, «Ливерпуль» эса 1 очко фарқ билан иккинчи ўринни эгаллаб турибди.
