«Liverpul» bosh murabbiyi Yurgen Klopp APLning 32-turidan o‘rin olgan «Manchester Siti»ga qarshi bahsini boks janggi bilan taqqosladi.

“Ushbu uchrashuv ikki bokschi o‘rtasidagi jangga o‘xshadi. Kimdir qo‘llarini bir soniya pastga tushirishi bilan zarbalarni o‘tkazib yubordi. Menga jamoamning harakatlari juda yoqdi. Lekin, uch ochkoni qo‘lga kirita olmaganimiz achinarli.

Juda ajoyib va yorqin o‘yin. «Manchester Siti» uchrashuvni yaxshiroq boshladi, ammo keyin biz tashabbusni o‘z qo‘limizga oldik. Qayd etilgan natija adolatli deb o‘ylayman. Endi biz davom etishimiz kerak. Butun kurash hali oldinda», - dedi Klopp The Athletic bian suhbatda.

«Manchester Siti» 74 ochko bilan 1-o‘rinda bormoqda, «Liverpul» esa 1 ochko farq bilan ikkinchi o‘rinni egallab turibdi.