Англиянинг “Ливерпуль” клуби “Фулхэм” ярим ҳимоячиси Фабио Карвальо трансфери бўйича келишиб олди, деб хабар бермоқда журналист Фабрицио Романо.

Ёш ярим ҳимоячи клуб рухсати билан аллақачон тиббий кўрикдан ўтган ва "қизиллар" билан 2027 йилгача шартнома имзолашга тайёр. Трансфер суммаси 5 + 2,7 миллион еврони ташкил қилади (бонуслар билан).

Қайд этилишича, хариддан кейин “Ливерпуль” футболчини ижарага қолдириш ниятида эмас.

2021/22 йилги мавсумда Карвальо “Фулхэм” сафида 27 та ўйинда майдонга тушиб, 7 та гол урди ва 6 та голли узатмани амалга оширди.