«Ювентус» раҳбарияти туринликлар ярим ҳимоячиси Хуан Куадрадонинг агенти билан навбатдаги учрашув ўтказади. Томонлар ҳамкорликни узайтириш масаласини яна бир бор муҳокама қилишади, деб хабар беради La Gazzetta dello Sport.

Турин клуби футболчига маоши қисқартирилган икки йиллик шартнома таклиф қилмоқда. Эндиликда 33 ёшли колумбиялик футболчи клубда мавсумига 5 миллион еврога яқин маош олади.

Ҳимоячининг амалдаги шартномаси 2022 йилнинг 30 июнига қадар мўлжалланган. Трансфермаркт портали футболчининг нархини 10 миллион еврога баҳоламоқда.

2021/22 йилги мавсумда Куадрадо «Ювентус» сафида барча мусобақаларда 40 та ўйинда майдонга тушиб, 5 та гол ва 3 та голли узатмани амалга оширди.