«Yuventus» rahbariyati turinliklar yarim himoyachisi Xuan Kuadradoning agenti bilan navbatdagi uchrashuv o‘tkazadi. Tomonlar hamkorlikni uzaytirish masalasini yana bir bor muhokama qilishadi, deb xabar beradi La Gazzetta dello Sport.

Turin klubi futbolchiga maoshi qisqartirilgan ikki yillik shartnoma taklif qilmoqda. Endilikda 33 yoshli kolumbiyalik futbolchi klubda mavsumiga 5 million yevroga yaqin maosh oladi.

Himoyachining amaldagi shartnomasi 2022 yilning 30 iyuniga qadar mo‘ljallangan. Transfermarkt portali futbolchining narxini 10 million yevroga baholamoqda.

2021/22 yilgi mavsumda Kuadrado «Yuventus» safida barcha musobaqalarda 40 ta o‘yinda maydonga tushib, 5 ta gol va 3 ta golli uzatmani amalga oshirdi.