L'Equipe нашри хабарига кўра, мавсумни Лиссабоннинг «Спортинг» клубида ижара асосида ўтказаётган «ПСЖ» ҳужумчиси Пабло Сарабия ёзда Парижга қайтади.
29 ёшли испаниялик бу мавсумда Лиссабон клуби сафида 18 та гол урди, аммо унинг ҳозирги клуби футболчини доимий равишда сотиб олишга қурби етмайди.
Демак, ҳужумчи «ПСЖ»га қайтади. Унинг парижликлар билан амалдаги келишуви икки йилдан кейин тугайди.
Париж клуби ёзги трансфер ойнасида бир қанча ҳужумкор ўйинчилар - Анхел Ди Мария, Юлиан Дракслер ва Мауро Икардидан қутулмоқчи. Сарабия ҳам катта эҳтимол билан бу рўйхатдан жой олиши мумкин.
