«Барселона» бош мураббийи Хави ўз футболчиларини Ла Лига ғолиблиги учун курашга тайёрламоқда, деб хабар беради Diario AS.
Хабар қилинишича, клуб президенти Жоан Лапорта ва Хави бу «хабар»ни асосий жамоа ўйинчиларига етказмоқчи бўлган. Каталония клуби устози «Реал Мадрид» кейинги ўйинларда очко йўқотишни бошлашига умид қилмоқда. Мадрид клуби навбатдаги турда турнир жадвалида юқори ўринларда бораётган жамоалардан бири – «Севиля» билан тўқнаш келади.
Айни дамда «Реал» ва «Барселона» ўртасидаги фарқ 12 очкони ташкил қилмоқда. «Реал»ни чемпионликдан маҳрум қилиш учун «Барселона» очко йўқотмаслиги ва пойтахт клубининг муваффақиятсизликларига умид қилиши керак.
