Дортмунднинг «Боруссия» клуби «Зальцбург» ҳужумчиси Карим Адейемига қизиқиш билдирмоқда. Австрия клуби спорт директори Штефан Ритер музокараларни тасдиқлади, дея хабар беради журналист Фабрицио Романо.

«Музокаралар давом этмоқда. Биз тўғри йўналишда кетяпмиз», — деди функционер.

Аввалроқ, немис жамоаси футболчи учун бу суммани Пасха байрамига қадар (15-18 апрель) тўлашга тайёрлиги ҳақида қарор қабул қилиши кераклиги, акс ҳолда «Зальцбург» бошқа жамоалар билан музокараларни бошлаши ҳақида маълумотлар пайдо бўлганди.

2021/22 йилги мавсумда Адейеми Австрия клуби сафида 36 та ўйинда майдонга тушиб, 19 та гол ва 4 та голли узатмани амалга оширган. Трансфермаркт портали 20 ёшли футболчининг нархини 35 миллион еврога баҳоламоқда.