«Бавария» бош мураббийи Юлиан Нагельсманн ЕЧЛ чорак финалида «Вильярреал»га қарши жавоб ўйинидан олдинги фикрлари билан ўртоқлашди.

Жамоаларнинг Испаниядаги илк учрашуви Мюнхен клубининг 0:1 ҳисобидаги мағлубияти билан якунланган эди.

«Вильярреал»га ўз имкониятлари даражасида ўйнашга имконият бермаслигимиз керак. Биз тактик ўйин кўрсатишимиз ва керак бўлганда ифлос футбол ўйнашимиз керак бўлади. Биринчи ўйинда ўз имкониятларини голга айлантира олмагани учун уларни жазолашимиз керак. Лекин ортиқча гапиришнинг ҳожати йўқ, буни майдонда кўрсатишимиз керак.

Меҳмонда ёмон ўйнадик, «Вильярреал» эса ўзининг энг яхши ўйинини кўрсатди. Эртага кўп нарса хавф остида, шунинг учун биз катта куч сарфлашимиз керак. Ҳозир жамоада ҳамма ҳам ўзининг энг юқори чўққисида эмас, лекин бу мавсум ўрталари учун одатий ҳол», - деди Нагельсманн ўйинолди матбуот анжуманида.

Жамоалар ўртасидаги Мюнхендаги жавоб ўйини эртага, 12 апрель куни бўлиб ўтади ва Тошкент вақти билан соат 00:00да бошланади.