«Bavariya» bosh murabbiyi Yulian Nagelsmann YECHL chorak finalida «Vilyarreal»ga qarshi javob o‘yinidan oldingi fikrlari bilan o‘rtoqlashdi.

Jamoalarning Ispaniyadagi ilk uchrashuvi Myunxen klubining 0:1 hisobidagi mag‘lubiyati bilan yakunlangan edi.

«Vilyarreal»ga o‘z imkoniyatlari darajasida o‘ynashga imkoniyat bermasligimiz kerak. Biz taktik o‘yin ko‘rsatishimiz va kerak bo‘lganda iflos futbol o‘ynashimiz kerak bo‘ladi. Birinchi o‘yinda o‘z imkoniyatlarini golga aylantira olmagani uchun ularni jazolashimiz kerak. Lekin ortiqcha gapirishning hojati yo‘q, buni maydonda ko‘rsatishimiz kerak.

Mehmonda yomon o‘ynadik, «Vilyarreal» esa o‘zining eng yaxshi o‘yinini ko‘rsatdi. Ertaga ko‘p narsa xavf ostida, shuning uchun biz katta kuch sarflashimiz kerak. Hozir jamoada hamma ham o‘zining eng yuqori cho‘qqisida emas, lekin bu mavsum o‘rtalari uchun odatiy hol», - dedi Nagelsmann o‘yinoldi matbuot anjumanida.

Jamoalar o‘rtasidagi Myunxendagi javob o‘yini ertaga, 12 aprel kuni bo‘lib o‘tadi va Toshkent vaqti bilan soat 00:00da boshlanadi.