«Барселона» «Атлетико» ҳужумчиси Жоау Феликсга қизиқиш билдирмоқда, дея хабар беради Sport.
Олдинроқ Каталония клуби президенти Жоан Лапорта Феликснинг ўйинларига қойил қолишини айтганди.
Манбага кўра, агар «Атлетико» келаси мавсумда Чемпионлар лигасига йўлланмани қўлга кирита олмаса, «Барса» португалияликни трансфер бозоридаги асосий нишонига айлантиради.
Қайд этилишича, футболчининг агенти Хорхе Мендеш ҳам Чемпионлар лигасини ўтказиб юборган тақдирда клубдан ушбу трансферни талаб қилади.
Бироқ молиявий масала очиқлигича қолмоқда, чунки «Атлетико» 126 миллион еврога сотиб олган футболчисини арзонроққа сотиш ниятида эмас.
