Немис ОАВларида «РБ Лейпциг» «Аякс» устози Эрик тен Хагга қизиқиш билдираётгани ҳақидаги маълумотни рад этишди.

Голландия оммавий ахборот воситалари томонидан «Лейпциг» бош мураббийлик лавозимига тен Хаг тайинланиши мумкинлиги ҳақида хабар берилган. «Лейпциг»дан келган «таклиф» ҳақидаги маълумотни инглиз матбуоти тасдиқлади, аммо Германияда бу маълумотларнинг ҳақиқатга тўғри келмайди, деб ҳисоблашади.

Sport1 бош мухбири Патрик Бергернинг сўзларига кўра, «Лейпциг»нинг тен Хаг билан алоқаси «мутлақо бемаънилик».

Эслатиб ўтамиз, «Аякс» мураббийи учун асосий даъвогар «Манчестер Юнайтед» бўлиб, у тез орада 52 ёшли мутахассис тайинланишини эълон қилиши мумкин.