Мюнхеннинг «Бавария» клуби собиқ футболчиси Дитмар Хаманн польшалик тўпурар Роберт Левандовскининг келажаги ҳақида ўз фикри билан ўртоқлашди.
Левандовскининг клуб билан амалдаги шартномаси 2023 йилда якунига етади, аммо томонлар шартномани узайтириш ниятида эмас.
- Левандовски икки йиллик ёки ундан кўпроқ муддатли шартнома имзолайдими, шуни билиш керак. Агар Роберт шартномани уч йилга узайтирса, у ҳолда шартнома тугаши билан ўттиз етти ёшга тўлади. Роналду мисолида кўришимиз мумкинки, бу ёшда бир хил савияда ўйнаш қийинроқ, - деди «Бавария»нинг собиқ ярим ҳимоячиси.
