Италиялик собиқ футболчи Антонио Кассано А серияда кечаётган Скудетто учун кураш ҳақида гапирди.

«Наполи» «Фиорентина»га 2:3 ҳисобида имкониятни бой бериб, учинчи ўринга тушиб кетди. Пешқадам «Милан» қолганлардан икки очко олдинда. «Интер» ҳам «россонерилар»дан икки очко ортда қолмоқда.

«Фиорентина» ўзининг энг яхши футболчиси Торрейра йўқлигига қарамай «Наполи»га қарши чиройли ўйин ўтказди. Жаноб Италиано [«Фиорентина» бош мураббийи] шунчаки тенгсиз, у шоҳ асар яратди. Бироқ, «Наполи» мени хафа қилди. Сабаби улар чемпионлик учун курашдан чиқиб кетишди. Мен учун ҳозир фақат иккита даъвогар бор - «Интер» ва «Милан». Балки дуранг ҳам «Наполи»га Скудетто учун курашни давом эттиришга имкон берган бўларди, аммо мағлубият уларнинг имкониятларини йўқотди», - деди Кассано.