Italiyalik sobiq futbolchi Antonio Kassano A seriyada kechayotgan Skudetto uchun kurash haqida gapirdi.

«Napoli» «Fiorentina»ga 2:3 hisobida imkoniyatni boy berib, uchinchi o‘ringa tushib ketdi. Peshqadam «Milan» qolganlardan ikki ochko oldinda. «Inter» ham «rossonerilar»dan ikki ochko ortda qolmoqda.

«Fiorentina» o‘zining eng yaxshi futbolchisi Torreyra yo‘qligiga qaramay «Napoli»ga qarshi chiroyli o‘yin o‘tkazdi. Janob Italiano [«Fiorentina» bosh murabbiyi] shunchaki tengsiz, u shoh asar yaratdi. Biroq, «Napoli» meni xafa qildi. Sababi ular chempionlik uchun kurashdan chiqib ketishdi. Men uchun hozir faqat ikkita da’vogar bor - «Inter» va «Milan». Balki durang ham «Napoli»ga Skudetto uchun kurashni davom ettirishga imkon bergan bo‘lardi, ammo mag‘lubiyat ularning imkoniyatlarini yo‘qotdi», - dedi Kassano.