Махсус модель ҳисоб-китобларига кўра, «Интер» А Серия чемпионлиги учун курашда рақибларини мағлуб этади.
Тахмин учун Sky Sport Italia Sky Calcio Club дастуридан фойдаланилган, у кўплаб алгоритмлар асосида натижаларни ҳисоблашга қодир.
Суперкомпьютер ҳисоб-китоби натижалари қуйидагича: «Интер» 82 очко билан биринчи, «Милан» 79 очко билан иккинчи, «Наполи» эса 77 очко билан учинчи ўринни эгаллайди. Шунингдек, тизим 35-тур якунида «нерадзуррилар» рақибини ортда қолдиришини аниқлади.
Италия чемпионатининг 32-туридан кейин «Милан» 68 очко билан пешқадамлик қилмоқда. «Интер» ва «Наполи» икки очкога ортда қолмоқда, аммо «нерадзурри» неаполликлардан фарқли ўлароқ, битта захира ўйинига эга.
