Мадриднинг "Реал" клуби жамоанинг бразилиялик ярим ҳимоячиси Кака ҳамда аргентиналик ҳужумчи Гонсало Игуаинни ёзги трансфер мавсумида сотиб юборишни мўлжаллаб турибди. Бу ҳақда Marca нашри хабар тарқатмоқда.
Айни дамда ҳар иккала футболчи учун европанинг бир қатор жамоаларидан таклифлар бўлмоқда. Агар мадридликлар уларни сотишга қатъий аҳд қилса, Каканинг тренсфер нархи 30 миллион, Игуаинники эса 40 миллион евро сифатида белгилаганлар. Ҳуллас "Реал" иккала футболчининг трансферидан камида 70 миллион евро ишлаб олмоқчи.
Маълумотларга қараганда Франциянинг "ПСЖ" клуби президенти Носир Ал-Халайфий ҳар иккала футболчини ўз жамоасида кўриш ниятида экан. Бу борада парижликлар бош мураббийи Карло Анчелотти яқин кунларда "Реал"расмийлари билан мулоқотга киришиши айтилмоқда.
Гонсало Игуаин билан эса, лондоннинг "Челси" клуби жиддий суратда қизиқмоқда.
