Европа Чемпионлари Лигасининг 1/4 финал жавоб учрашувида "Бавария" ўз майдонида "Вильярреал" жамоасини қабул қилди.

Дастлабки учрашувда 1:0 ҳисобида ғалаба қозонган испанлар ушбу беллашувда жуда эҳтиёткорлик билан ҳаракат қилишди. Аксинча, "Бавария" бор эътиборини ҳужумга қаратди.

Биринчи бўлимда дарвозалар даҳлсизлиги сақланиб қолди.

Иккинчи бўлимда Роберт Левандовски ҳисобни очди. Гол ўтказиб юборилганидан кейин меҳмонлар ҳужумга эътибор қаратишди ва 88-дақиқасида Чуквуэзенинг киритган голи эвазига мувозанатни тиклашди ва иккинчи ўйин натижасига кўра, ярим финалга йўл олди.

"Бавария" – "Вильярреал" 1:1

13 апрель, 00.00, «Альянц-Арена»

Голлар: 1:0 – 52 Левандовски, 1:1 – 88 Чуквуэзе.

"Бавария" – Нойер, Эрнандес (Дэвис, 87), Упамекано, Павар, Горетцка, Киммих, Мусиала (Гнабри, 82), Мюллер (Шупо-Мотинг, 90), Левандовски, Коман, Сане.

"Вильярреал" – Рульи, Фойт, Альбиоль, Пау Торрес, Эступиньян, Орье, Ло Чельсо, Коклен (Чуквуэзе, 84), Капу, Парехо, Жерар Морено, Данджума (Педраса, 84).

Огоҳлантиришлар: Левандовски (33), Фойт (59), Ло Чельсо (90).