Мюнхеннинг «Бавария» клуби бош мураббийи Юлиан Нагельсманн «Вильярреал» жамоасига қарши бўлиб ўтган баҳс ҳақида фикр билдирди.
Мюнхенликлар умумий ҳисобда (0:1, 1:1) мағлубиятга учраб, Чемпионлар лигасининг 1/4 финалидан ўта олмади.
“Биринчи ўйин ҳал қилувчи бўлди. Ўшанда биз қарама-қаршиликда мағлуб бўлдик.
Биринчи ўйинда яхши ўйин кўрсатмаган бўлсак, бугун жуда яхши ўйнадик. Тактика ва шиддатлилик нуқтаи назаридан бу охирги ойлардаги энг яхши ўйинларимиздан бири бўлди.
Мусиала биринчи бўлимни жуда яхши ўтказди. Иккинчи бўлимда Мюллер ҳисобни 2:0 кўринишига келтириши керак эди. Бу 100 фоизли вазият эди, бундай вазиятлар тез-тез содир бўлмайди.
Рақиб жуда интизомли ва жуда чуқур ҳимояланди. Улар бизнинг дарвозамизга гол киритишган пайтда биз тартибсизликка тушиб қолдик" - деди Нагельсманн Amazon Prime нашрига.
