Лондоннинг "Тоттенхэм" клуби Голландиянинг "Аякс" клуби ҳимоячиси Ян Вертонгенга расмий таклиф билан чиқди. Бу ҳақда "De Telegraf" нашри хабар тарқатмоқда.
Футболчининг агенти Мустафо Нахлининг маълум қилишича, иккала клубнинг музоакаралари дастлаб 8.5 миллион евродан бошланган.
"Ян тўп суриш доим орзу қилган бир қатор клублардан таклифлар бор. У ҳар доим Англия премьер-лигасининг юқори ўринлари учун даъвогарлик қилиб келган жамоаларда тўп суришни хоҳлаб келган", дейди Нахдли юқорида номи келтирилган манбага берган интервьюси чоғида.
Вертонген жамоа билан тузган шартномаси яна бир йил давом этиши керак. Бельгиялик футболчи бир неча маротаба ушбу мавсум якунлангач клубни тарк этиши борасида гапириб ўтганди.
Эслатиб ўтамиз, футболчи билан шунингдек, Англиянинг «Арсенал», «Ньюкасл» ва «Манчестер Сити» клублари қизиқишмоқда.