«Рома» бош мураббийи Жозе Моуриньо Конференциялар лигаси чорак финалининг жавоб ўйини доирасидаги «Будё-Глимт»га қарши баҳс олдидан ўз фикрлари билан ўртоқлашди.
«Бизга драматик қайтиш керак эмас. Ҳисобни тенглаштириш учун гол уришимиз зарур. Бизда ўйинга бошқача тайёргарлик кўришга вақтимиз ҳам йўқ», - деди Моуриньо.
«Рома» бош мураббийи пайшанба куни унинг жамоасидан тактик ўзгаришлар кутмаслигимиз кераклигини қўшимча қилди.
«Ҳеч қандай тактик ўзгаришлар бўлмайди, «Салернитана»га қарши ўйиннинг биринчи бўлими охирида мен футболчиларга хотиржам бўлишларини айтдим, чунки биз ҳисобда ортда қолаётган эдик ва бизда 45 дақиқа бор эди. Эртанги баҳсда эса бизда тўлиқ 90 дақиқа бўлади», - деди Моуриньо.
Маълумот ўрнида, биринчи ўйин 2:1 ҳисобида Норвегия клуби фойдасига ҳал бўлганди.
